ད་ནི་ཀུན་ཚོང་རྫས་དང་།
ཡོད་ཚད་འདི་ནས་དབུགས་དེ་མ་ཆད་བར་ཙམ།
ཁག་ག་ལ་ཡོད།
ལྟད་མོ་མདུན་བཤམས་ལ་སུས་མི་སྨོན།
ངན་ངོན་ཙམ་སུས་འདོད།
བརྩེ་བ། ཀྱེ་མ།
ཨ་གསར་མེ་ལྕེའི་མྱུར་སྐྱེན།
ཚུལ་འཆོས་ལྕེ་རྩེའི་ལས་རྒྱུ་འབྲས།
ཁག་མེད།
རང་རིགས་ལགས། ཁག་མེད།
སྟངས་སྟབས་དེའི་རྗེས་མ་སྙེག་དཀའ་མེད།
ད་དེ་ཡང་་་་ཆེས་སྐྱིད་སྐབས་ཀྱི་གཏམ་སྙན་་་་་་ཚོང་རྫས་ཁོ་ན་སྟེ།
སུ་འཇོན་སྡུག་ཕྱུག་ན་དེར།
དེས་ན་སྤོབས་པ་སྨུག་པོ་ཞིག་གིས་མ་གཏོགས།
གྱེས་མཚམས་མེད་ལ། སྤྲེལ་མཚམས་ཡང་མེད།
རང་དབང་། རང་ཆེས་གཅེས་རང་དབང་། མདུན་གི་དོང་ནག་ཕྱོགས་སུ།
ལྷད་མེད་གཞན་གཅེས་ལགས།
ཐག་རིང་ཐག་རིང་ནས།
སྣང་བའི་འོད་མདའ་མག་མོག་ཀྱང་།
གཏན་དུ་གསལ་རོགས།
གཏན་དུ་གསལ་རོགས།
