#བོད་ཡིག་བྲིས། #WriteTibetan

Write Tibetan, and real Tibetan to keep it breathing further, even a day further, for it's nearing its death sentence even at its lair back in Tibet. 

༅། །ཕྲན་གྱིས་སྐབས་ག་གེ་མོ་ཞིག་ཏུ་གོ་ཐོས་ལ། རང་ཅག་བོད་པ་རྣམས་ཀྱི་༸སྐྱབས་དང་མགོན་༸སྤྱི་ནོར་གོང་ས་༸ཡིད་བཞིན་ནོར་བུ་མཆོག་གིས་གསུངས་དོན། ཕྱི་རོལ་པ་སྟེ་དད་ཆོས་རྗེས་འབྲངས་པས་འདོད་ཚུལ་ལྟར་གྱི་ཀུན་བཏགས་ཀྱི་བདག་དང་། རང་རེའི་གྲུབ་མཐའ་སྨྲ་བ་དག་གིས་འདོད་པའི་མཚན་གཞིའི་བདག་ཅིག་འཇོག་ན། དེས་ན་གྲུབ་མཐས་བློ་བསྒྱུར་མ་བསྒྱུར། བརྡ་ཤེས་མི་ཤེས་གང་གིས་ཡང་ལིང་ལིང་བར་འཛིན་པའི་ལྷན་སྐྱེས་ཀྱི་བདག་དེ་ཇི་བརྟན་དུ་བཏང་བ་དང་འདྲ་ཞེས་པ་ལས་འཕྲོས། འཇིག་རྟེན་ཏེ་ཐུན་མོང་དང་ཐུན་མིན་གྱི་ལས་ལས་གྲུབ་པའི་སྣོད་དང་བཅུད་ཀྱི་རྟེན་འབྱུང་སྒྱུ་མ་ལྟ་བུ་དེ་ནི་དོན་གྱི་རྫུན་ཏེ། ངེས་རྟོན་གང་ཡང་མེད་པར་རྨོངས་པས་ད་དུང་དེའི་ཁར་ཚུལ་འཆོས་ཀྱི་རྫུན་འབག་ཅིག་གྱོན་ཐུབ་པ་ནི་ཕྱི་མས་སྔ་མ་ཇི་བརྟན་དུ་བཏང་བ་མིན་ནམ།

མཐའ་རྒུད་སྙིང་པོ་བྲལ་ན་ཡང་།།

དང་ཐོག་ཨ་གསར་དུས་དེར་གཡེངས།།

སྐྱེན་པའི་རྣམ་རྟོག་རླུང་གིས་བསྐུལ།།

རྟ་བཞིན་ཤ་ཐང་འཇལ་བར་བྲེལ།།

ཀྱེ་མ་ངོ་མ་ཨ་གསར་ཙམ།།

བར་བར་ནང་བལྟ་འདྲ་ནུས་ན།།

མཆོར་སྒེག་མདུན་གྱི་ལྟད་མོ་དེ།།

དེ་ཙམ་ཡོད་པ་ཡོལ་དེའི་དྲིན།།

བོད་ཡིག བོད་ཀྱི་རིག་གནས་རྒྱལ་ལོ།།

སོ་སོ་རང་རིག Nation, State

སོ་སོ་རང་རིག

མ་འདྲེས་གང་གི་ཡིན་ཚུལ་གཤིས།།
སོ་སོར་འབྱེད་པའི་འཕགས་པའི་ཆོས།།
བདེན་མཐོང་ཡེ་ཤེས་ལས་ཀྱང་བླ།།
གསལ་སྟོང་རང་གཤིས་རིག་ཉིད་རྒྱལ།།

བོད་ཡིག་བྲིས།

ཆོས་ཉིད་བྱ་བྱེད་འཐད་ལྟོས་གྲུབ་པའི་རིགས།།
ངལ་བའི་རྩོལ་ལས་བསླངས་པའི་གཉུག་མའི་རིག།
ཟབ་གསལ་མྱུར་ཞིང་གང་གི་སྤུ་གྲི་ཡིས།།
བཅད་པའི་མ་རིག་མདུད་དེ་ཡ་རེ་ང་།།

*

Nation, State

What if without those humane ideals,

The values that let it shine out as gold weal

Among the galaxy of rich diversity--

Identities thus primary to secondary piety. 

What if without such enlightening treasure-troves? 

Then just a mass of land infested with carps howling

Of plebeians hell-bent on bread-and-butter quibbling

Like they themselves as asylum-seekers in their loves.  

རང་བཙན། མི་ཨེ་ཡོད་ད།

དྲོ་སོབ་སོབ།

གང་ཡང་བློས་བཏང་མི་དགོས་པར་དེ་ཐོབ་ཐུབ་བམ། 

དེ་བས་དངོས་བབ་དང་མཐུན་པའི་འཆར་སྣང་གོ་རིམ་གང་ཡང་མེད་པར། 

རང་བཙན། 

ང་ཚོའི་ཐོབ་ཐང་ཡིན་མོད། 

འོན་ཀྱང་། དེ་ནི་བཙན་གྱིས་ཕྲོག་པའི་གཅེས་ནོར་ཞིག་བཞིན། 

ཀྱེ་མ། དེ་ཡང་སྟབས་གཏན་ནས་མི་ལེགས་པ་ཞིག་ལ། 

ཀྱེ་མ། དེ་ཡང་གཟུ་བོའི་དཔང་པོ་འཛུགས་སའི་མི་ཆོས་ཀྱི་ཁྲིམས་རྭ་མེད་པའི་དུས་རབས་ད་ལྟར། 

གཡོ་སྒྱུ་མགོ་གཉིས་ཀྱི་དེང་གི་དུས་རབས་འདིར། 

གློ་མ་ཉེ་ནའང་ཉེ་ཁུལ་གྱི་དུས་འདིར། 

སྙིང་མེད་ནའང་ཡོད་ཁུལ་གྱི་དུས་འདིར། 

ཤ་མ་ཚ་ནའང་ཚ་ཁུལ་གྱི་དུས་འདིར། 

མ་རབ་ཐ་ཞན་གྱི་དེང་གི་དུས་འདིར། 

གློ་ཉེ་ལགས། 

འུ་ཅག་ལ་རང་བཙན་ལོས་དགོས་མོད། 

འོན་ཀྱང་། ཇི་ལྟར་ཏེ་འདི་ལྟའི་གཡོ་སྒྱུ་ལས་ཇི་ལྟར།

རྔམ་སྟོན་ཁྲོམ་སྐོར་ཙམ་གྱིས་དེ་ཟིལ་གནོན་ཐུབ་བམ།

མ་ཐུབ་ན། གང་ལས། ད་རུང་ནམ་ཞིག་གི་བར། 

ད་ལྟའི་དངོས་གནས་ནི་བོད་པའི་ཕྲུ་གུ་དང་གཞོན་སྐྱེས་རྣམས་ནི། 

སྒྱུར་བཞིན་པ་ལས་འགྱུར་བཞིན་པ་ལྟ་བུའི་བང་རྩལ་ལ་རེག་ཟིན་འདུག

དེ་ཡང་རང་དང་རང་གི་ལས་གཞན་དང་གཞན་གྱི་ཚུགས་ཀ་ཞིག་ཏུ།

གློ་ཉེ་ལགས།

དེས་ན་མྱུར་སྐྱོབ་ཀྱི་ཐབས་ཤིག་ཡོད་པ་དེ་མི་དྲག་གམ།

དེས་ཀྱང་གང་བྱས་ཡོད་ཅེས་ཁ་ནང་ལྟའི་དྲི་མདའ་འདྲ་འཕེན་ན།

འོ་ན། གཉིས་ཕན་གྱི་ཐབས་ཤིག་གིས་མི་ནུས་ན།

རང་གཙོར་བཟུང་ཞིག་གིས་ཇི་ལྟར་ཏེ་ཅི་ལྟར་ནུས་ལགས།

ཁ་གསལ་གོ་རིམ་ལྡན་པའི་མྱུར་སྐྱོབ་ཀྱི་ཐབས་ཤིག་དགོས་པ་ནི།

ངེད་ཅག་གི་འཆི་གསོན་ལྟ་བུའི་ཆེས་ཛ་དྲག་གི་གནས་སྟངས་ཏེ།

དམྱལ་བ་མི་ཡུལ་ལྟ་བུ་དེ་ལས་ཐར་བའི་དགོས་མཁོ་འབའ་ཞིག་ལགས་སོ།།

མི་ཨེ་རེད།

མི་ཨེ་ཡོད་ད།

མི།

Bravo Europe: Does the govt of your country care for you in such a way that's humane?

In this wild jungle of mass production and mass consumption that's known as commerce, a check-and-bill relationship, a quid pro quo or such status quo in reality, where something new is produced very so often and that's, in the true sense of the word, nothing other than 'needless need', such needs that are as erratic as our variable, ambivalent mental constructs that hue something as out-and-out desirable now but the opposite thus in no time, in this wild jungle of such haste for nothing and such production of needless need, it's humane to introduce such a measure as the following, such consideration for every fellow individual's health. 

 

European regulation n° 1169 /2011, also known as the INCO regulation, establishes rules regarding the provision of food information to consumers, allowing the final consumer to get access to basic information such as the nutritional declaration or the list of ingredients.

མཁས་དབང་དགེ་ཆོས་ཀྱི་སྙན་རྩོམ་དུམ་བུ།

༄༅། །འཁྲུལ་ནའང་འཁྲུལ་ངོ་འབའ་ཞིག་མིན་ཏེ། རྒྱུ་རྐྱེན་དུ་མ་ལ་རྟེན་ཅིང་འབྲེལ་བ་ཙམ་མ་ཚད་དེ་དག་ལས་བྱུང་ཞེས་པས་ཕན་གནོད་ཀྱི་བྱ་བྱེད་འཐད་པའམ་ལས་བྱེད་པ་ཆུད་མི་ཟ་བ་བསྙོན་མེད་གཤིས། སྣང་བ་དེ་དངོས་གནས་རྟེན་ཅིང་འབྲེལ་བར་བྱུང་བ་སྒྱུ་མ་ལྟ་བུ་ཞིག་གོ་ཐུབ་ན། དེ་ནི་ཐབས་དང་དེ་ལས་ཐབས་བྱུང་སྟོང་བ་རང་གི་མཚན་ཉིད་ཀྱིས་གྲུབ་པས་སྟོང་བ་དེ་འཇོག་ཐུབ། ཐ་སྙད་ཚད་གྲུབ་ཡང་འཇིག་རྟེན་ཚུར་མཐོང་བའི་རྒྱུད་ཀྱི་རང་ལ་གྲགས་པའི་ཚད་མས་རྙེད་དོན་བཞིན་ཐ་སྙད་དུ་བྱ་བྱེད་འཐད་པ་རྟེན་འབྱུང་སྒྱུ་མ་ལྟ་བུ་ཞིག་ནི་ཚུར་མཐོང་བའི་ཚད་མ་དེས་ཇི་ལྟར་གྲུབ་ནུས་སྟེ་མི་སྲིད་དོ། །དེ་ནི་ཐ་སྙད་དཔྱོད་བྱེད་ཀྱི་རིག་ཤེས་ཀྱིས་ནུས་ཅིང་དེ་ཡང་ལྟ་བ་རྒྱུད་ལ་བསྐྱེད་པ་ཞིག་མ་གཏོགས་བྱིས་པ་ཞིག་གི་རྒྱུད་ལ་དེ་ག་ལ་ཡོད་སྲིད་དེ་མི་སྲིད་དོ། །གཟུགས་སྟོང་བས་ཆ་འཇོག་ལ་བློ་མ་བདེ་ན། དེས་ན་ཤེར་སྙིང་ལས། གཟུགས་སྟོང་བའོ། །སྟོང་བ་ཉིད་གཟུགས་སོ། །གཟུགས་ལས་སྟོང་བ་ཉིད་གཞན་མ་ཡིན། སྟོང་བ་ཉིད་ལས་ཀྱང་གཟུགས་གཞན་མ་ཡིན་ནོ། །ཞེས་གསུངས་པ་ཇི་ལྟར་གཞན་ཞིག་ལ་ཁ་དཀྲི་ནུས། ཐབས་མེད་པར་ཐབས་བྱུང་ཇི་ལྟར་རམ། ལྷན་ཅིག་བྱེད་རྐྱེད་མེད་པར་ཉེར་ལེན་ཙམ་གྱིས་ཇི་ལྟར་ནུས། ཉེར་ལེན་མེད་པར་ལྷན་ཅིག་བྱེད་རྐྱེན་ཙམ་གྱིས་ཀྱང་ཇི་ལྟར་ནུས་སྟེ་མི་ནུས་མོད་ཀྱང་། རིགས་པའི་བརྡར་ཤ་མུ་མཐུད་གཅོད་པར་ཁོང་གི་རྩོམ་དུམ་དེ་ཤིན་ཏུ་རྣོ་ཞིང་ངར་རོ།།

ཚེ་རབས་ཀུན་ཏུ་བླ་མས་རྗེས་འཛིན་ཞིང་། །

ཆོས་ཉིད་ཟབ་མོ་སྤྲོས་པ་བྲལ་བའི་དབྱིངས། །

མ་ནོར་རང་གིས་ཚུལ་བཞིན་རྟོགས་ནས་ནི། །

རྣམ་དག་ལམ་གྱི་བགྲོད་པ་མཐར་ཕྱིན་ཤོག །

རྣམ་དཀར་སྦྱོར་བ་སྟོང་གི་རླུང་ཤུགས་ཀྱིས། །

མེད་སྣང་འཁྲུལ་བའི་རྒྱལ་ཁབ་སྟོན་ཀའི་སྤྲིན། །

ཆོས་དབྱིངས་ནམ་མཁའི་གནས་སུ་རོ་མཉམ་སྟེ། །

སྐུ་གསུམ་རྒྱལ་བའི་ཉི་མ་འཆར་བར་ཤོག །

ཡིད་ཀྱིས་མེད་པར་ཐག་ཚོད་ཅིང་། །

མིག་གིས་ཡོད་པར་མཐོང་བའི་ཚེ། །

ཞྭ་སེར་མཁན་པོས་མ་བསླབ་ཀྱང་། །

སྒྱུ་མའི་བློ་ལས་གཞན་ཅི་འབྱུང་། །

ཡོད་མེད་བློ་ཡིས་བཞག་པའི་ཤེས་བྱ་དང་། །

བདེན་རྫུན་ཡུལ་ལ་ལྟོས་པའི་ཚད་མ་གཉིས། །

གཅིག་གི་རྫུན་ཁུངས་གཅིག་ལ་གཏད་མཐོང་ནས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

མ་བརྟག་མ་དཔྱད་འཇིག་རྟེན་རྣམ་གཞག་དང་། །

བརྟགས་ཤིང་དཔྱད་པའི་གྲུབ་མཐའི་གཞུང་ལུགས་གཉིས། །

གཅིག་གི་རྩ་བ་གཅིག་ལ་ཐུག་མཐོང་ནས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

བློ་ལ་སྣང་བ་ཙམ་གྱི་སྒྱུ་མ་དང་། །

དོན་ལ་ཡིན་པར་ངེས་པའི་གཤིས་ལུགས་གཉིས། །

གཅིག་ཤོས་བདེན་ན་གཅིག་ཤོས་རྫུན་མཐོང་ནས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

རང་སྐྱོན་རི་བོ་འགེབ་པའི་སྔ་རྒོལ་དང་། །

གཞན་སྐྱོན་ཁབ་ཀྱིས་འཚོལ་པའི་ཕྱི་རྒོལ་གཉིས། །

གཅིག་ལས་གཅིག་རྒྱལ་རེས་སུ་བྱེད་མཐོང་ནས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

ཡོད་མཐའ་འགོག་པའི་སྣང་རུང་མ་དམིགས་དང་། །

མེད་མཐའ་སྤོང་བའི་མི་སྣང་མ་དམིགས་གཉིས། །

གཅིག་གི་རྣམ་གཞག་གཅིག་གིས་བཤིག་མཐོང་ནས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

གྲོགས་པོར་མཚན་མར་ཞེན་པའི་བདེན་འཛིན་དང་། །

གྲོགས་ཀྱི་ཕན་པར་རྟོགས་པའི་ཚད་མ་གཉིས། །

སྲེད་པ་སྐྱེད་ལ་ཁྱད་པར་མི་འདུག་པས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

དགྲ་བོ་བདེན་པར་ཞེན་པའི་དངོས་འཛིན་དང་། །

དགྲ་ཡིས་གནོད་པ་ངེས་པའི་ཚད་མ་གཉིས། །

ཞེ་སྡང་སྐྱེད་ལ་ཁྱད་པར་མ་མཐོང་ནས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

རྗེས་དཔག་ཚད་མ་མངོན་སུམ་བློ་ལས་སྐྱེས། །

མངོན་སུམ་བདེན་རྫུན་རྗེས་སུ་དཔག་པས་དཔྱད། །

ཕ་ཡི་དཔང་པོ་བུ་ཡིས་བྱས་པ་འདིས། །

ཐ་སྙད་ཚད་གྲུབ་འཇོག་ལ་བློ་མ་བདེ། །

རིགས་པས་དཔྱད་པ་ཤིང་རྟའི་སྲོལ་ལ་བརྟེན། །

ཤིང་རྟ་ཆེན་པོ་རིགས་པའི་སྟོབས་ཀྱིས་སྒྲུབ། །

རང་ཐག་ཆོད་ན་སུ་ཡི་རྗེས་སུ་འབྲང་། །

རང་ཐག་མ་ཆོད་སུ་ལ་ཡིད་རྟོན་བྱེད། །

ཡང་དག་རིགས་པ་ངེས་དོན་ལུང་ལས་རྙེད། །

དྲང་ངེས་ཁྱད་པར་དྲི་མེད་རིགས་པས་འབྱེད། །

རིགས་པས་ཤེས་ན་ངེས་དོན་ཅི་ལ་འཚོལ། །

རིགས་པས་མ་ཤེས་ངེས་དོན་ག་ལ་རྙེད། །

བྱམས་མགོན་ཁྱི་མོར་མཐོང་བའི་ངང་ཚུལ་འདིས། །

མ་བརྟགས་ལྷན་སྐྱེས་བློ་ལ་ཡིད་མ་ཆེས། །

དབུ་སེམས་མཁན་པོའི་ལྟ་གྲུབ་འགལ་ལུགས་འདིས། །

དཔྱོད་ལྡན་མཁས་པའི་བློ་ལ་ཡིད་མ་ཆེས། །

ཕལ་པ་དྲང་པོའི་རྗེས་སུ་འབྲང་འབྲང་ནས། །

རྒུད་པའི་རྩ་བ་ལྷན་སྐྱེས་བདེན་འཛིན་རྙེད། །

མཁས་པ་དྲང་པོའི་རྗེས་སུ་འབྲང་འབྲང་ནས། །

དེ་ལས་སྡུག་པའི་ཀུན་བརྟགས་བདེན་འཛིན་རྙེད། །

ཡོད་མེད་ཡིན་མིན་བདེན་རྫུན་ལ་སོགས་པའི། །

རྩོད་པའི་འུར་སྒྲ་སྒྲོག་པའི་འཇིག་རྟེན་འདིར། །

རྟག་ཏུ་ཀུན་མཐོང་ཤེས་བྱ་ཡིན་པར་སྣང་། །

རྒྱུན་དུ་གང་གོམས་ཚད་མ་ཡིན་པར་སྣང་། །

མི་མང་གང་ལ་དགའ་དེ་བདེན་པ་དང་། །

ཁ་མང་གང་ལ་མཐུན་དེ་གྲུབ་མཐར་སྣང་། །

མི་རེའི་ཁོང་ན་མི་མཐུན་ཚད་མ་རེ། །

དེ་ཡི་རྒྱབ་སྐྱོར་རྡོ་རྗེའི་བཀའ་ལུང་རེད། །

ལ་རེའི་རྒྱབ་ན་མི་མཐུན་ཆོས་ལུགས་རེ། །

དེ་ཡི་རྗེས་འབྲང་མཁས་བླུན་སྟོང་ཕྲག་རེ། །

འདི་ཉིད་བདེན་ལ་འདི་ཡིས་མི་བསླུ་ཞེས། །

རང་གི་བདེན་ཁ་རང་ལ་སྦྱིན་པ་འདི། །

རིགས་མཐུན་སྐྱེ་བོའི་ཚོགས་རྣམས་ཉམས་རེ་དགའ། །

མི་མཐུན་ཚོགས་ལ་སྨྲས་ན་ཞེ་རེ་ཁྲེལ། །

མི་མཐུན་རིགས་དྲུག་འགྲོ་བའི་རྒྱལ་ཁབ་འདིར། །

བཅུ་ཡིས་འདོད་པ་བརྒྱ་ཡིས་མི་འདོད་ཅིང་། །

མི་ཡིས་མཐོང་བ་ལྷ་ཡིས་མི་མཐོང་བས། །

བདེན་རྫུན་ཚད་མའི་ཁྲིམས་ཐག་སུ་ཡིས་ཆོད། །

ཤེས་རབ་སྦྱང་པས་མི་ཚེ་ཟད་བྱས་པའི། །

གྲུབ་མཐའ་མཁན་པོའི་བློ་ཡང་འཁྲུལ་གྱུར་ན། །

འཇིག་རྟེན་བླུན་པོའི་རྫུན་གྱི་སྣང་བ་ལ། །

ཐ་སྙད་ཚད་མར་ཡིད་རྟོན་བྱེད་པ་འཁྲུལ། །

མཁོ་ཚད་བཟང་ཚད་སེམས་ཀྱི་འཆར་སྒོ་ཀུན། །

གུད་དུ་ཕྱེ་ནས་ཚད་མར་འདོད་པ་དེས། །

སྒྱུ་མའི་གྲོང་ཁྱེར་ཞིག་པའི་ཐང་སྟོང་དུ། །

མིག་འཕྲུལ་ནོར་བུའི་ཕུང་པོ་སླར་ཡང་རྙེད། །

བཞིན་རས་ཅུང་ཟད་འགྱུར་བས་འགྱུར་བྱེད་ཅིང་། །

མེ་ལོང་ཅུང་ཟད་འགྱུར་ཡང་འགྱུར་བྱེད་པའི། །

མི་བརྟན་འགྱུར་བའི་ཤེས་བྱའི་གཟུགས་བརྙན་འདི། །

ནམ་ཞིག་མཐའ་ལ་གཏད་དུ་ཡལ་བར་ངེས། །

དཔྱད་པ་འདི་ལ་ཐུག་པས་མེད་དམ་སྙམ། །

ལག་པ་ཁབ་ལ་འཕྲད་པས་ཡོད་དམ་སྙམ། །

མྱོང་བ་མངོན་སུམ་ལག་པས་ཡིན་ནམ་སྙམ། །

སྣང་བ་འཁྲུལ་པ་སྲིད་པས་མིན་ནམ་སྙམ། །

ཡོད་པ་རྩ་བ་བཙལ་བས་མེད་དམ་སྙམ། །

མེད་པའི་རྩེ་མོ་མཐོང་བས་ཡོད་དམ་སྙམ། །

བདེན་པའི་ས་བོན་བཏབ་ན་རྫུན་པར་ཤེས། །

རྣམ་སྨིན་ལུས་དྲུག་ལྡན་པའི་རིགས་དྲུག་ལ། །

སྣང་བ་རྣམ་དྲུག་འབྱུང་བ་སྨོན་ཅི་དགོས། །

དབང་པོ་དྲུག་ལྡན་མི་ཡི་ལུས་ལ་ཡང་། །

ཐུན་མོང་རྩ་བ་མེད་པའི་སྣང་བ་དྲུག །

ཡོད་མེད་གཉིས་ལས་འདས་པའི་ཡེ་ཤེས་ནི། །

ཀླུ་སྒྲུབ་ཡང་སྲས་དགོངས་པ་ཟབ་མོའི་གནད། །

གངས་ཅན་གསར་རྙིང་དམ་པ་གོང་མ་ཡིས། །

བཞེད་སྲོལ་གཅིག་ཏུ་དྲིལ་བའི་ལེགས་བཤད་འདི། །

ཁོ་བོའི་བླ་མའི་ཐུགས་རྗེའི་དགོངས་ཀློང་ནས། །

མཁྱེན་པའི་ཉི་མ་ཕྱོགས་སུ་འཆར་བའི་ཚེ། །

དམུས་ལོང་ལོག་རྟོག་སྙིང་ལ་གཟན་ན་ཡང་། །

མིག་ལྡན་བློ་ཡི་གེ་སར་འཛུམ་པར་གྱུར། །

ཕྱོགས་དུས་རྒྱལ་བ་ཡོངས་ཀྱི་དགོངས་པའི་བཅུད། །

ལུང་རིགས་མན་ངག་བསྲེག་བཅད་བརྡར་བའི་དབྱིག །

ཆོས་དབྱིངས་བསམ་མི་ཁྱབ་པའི་ས་ལེ་སྦྲམ། །

བདག་གི་སྙིང་ལ་འཆང་བ་སྔོན་གྱི་ལས། །

བྱིས་པའི་དུས་ནས་རྒས་ཤིང་འཁོགས་པའི་བར། །

སེམས་ཀྱི་ཁྱེར་སོ་ཅི་ཙམ་བརྗེས་གྱུར་པ། །

རང་གི་མྱོང་བས་དཔྱད་ན་ཤེས་ནུས་པའི། །

ད་ལྟའི་འཆར་སྒོ་འདི་ལ་ཡིད་བརྟན་ཅི། ། 

རོ་དང་མཚུངས་པའི་ལུས་པོ་འདི། །

ག་དུས་ཤི་ཡང་མི་འགྱོད་དེ། །

གསེར་དང་མཚུངས་པའི་རྣམ་དཔྱོད་དག །

མཉམ་དུ་ཤི་ན་ཤིན་ཏུ་འཕངས། །

གོམ་གཅིག་འདོར་ཡང་བདེ་བ་འཚོལ་ཕྱིར་ཏེ། །

ཚིག་གཅིག་སྨྲ་ཡང་བདེ་བ་འཚོལ་ཕྱིར་སྨྲ། །

དགེ་བའི་ལས་ཀྱང་བདེ་བའི་སླད་དུ་བྱེད། །

སྡིག་པའི་ལས་ཀྱང་བདེ་བའི་སླད་དུ་བྱེད། །

གྲོག་མ་མིག་མེད་བདེ་བའི་སླད་དུ་རྒྱུག །

ས་འབུ་རྐང་མེད་བདེ་བའི་ཆེད་དུ་རྒྱུག །

མདོར་ན་འཇིག་རྟེན་ཐམས་ཅད་བང་འགྲན་ནས། །

གཅིག་ལས་གཅིག་མགྱོགས་བདེ་བའི་ཕྱོགས་སུ་རྒྱུག །

མི་ཡི་མི་ཚེ་ཚེ་ཡི་ཁྲལ་ཡིན་པས། །

ཁྲལ་པ་འཆི་བདག་ཡུལ་དུ་མ་འཁྱོལ་བར། །

དགའ་དུས་རིང་དུ་གཏོང་བའི་ཐབས་མེད་ན།།

སྡུག༌དུས༌ཐུང༌དུ༌གཏོང༌བའི༌ཐབས༌ཅི༌ཞིག།

ཡུན་རིང་འགྲོགས་ན་ཚེ་འདིའི་བྱ་གཞག་ལ། །

མི་སྐྱོ་བྱ་བ་གཅིག་ཀྱང་ཡོད་མ་ཡིན། །

སྐྱོ་བའི་སེམས་གསོ་དམ་པའི་ལྷ་ཆོས་ཏེ། །

སེམས་ཀྱི་ཁོང་དུ་ལན་གཅིག་འོང་བར་ངེས། །

https://www.youtube.com/watch?v=LA5ipbk77Y8&list=LL&index=1&t=576s

The coining of a new compound word that's already well-known in our Tibetan world

 Well-frog syndrome

The psychological tendency that imprisons oneself into deception by enlarging oneself as someone important, who knows much. 

For example like a cur from a certain backstreet thinks that he is a tiger in that lot. Like someone with a certain base commercial knowledge in a supermarket thinks that he or she knows the world, for he or she has a few struggling ones below him or her, for he or she has already tasted the temporary bliss of sycophancy delivered toward him or her. 

An additional note:

Lucky are those who could set themselves along the path to liberation, when there wasn't this thing know as 'modern stuff', namely minutely-refined sensuous pleasures to attract or satisfy five gross senses that, however, end up being 'fed up' or 'unsated' right after; when there wasn't this 'modern stuff' created state of being 'scattered', 'insecure', 'hypersensitive', 'undoing', etc.    

Acceptance, Resignation: Strength / Change, Adversity: A Process

Manliness now

Though bearded thou art, scruffy,

Thy goatee sometimes waxen goofy, 

Thy moustache a worn sallow walrus,

Thy eyes bleary, wriggles insecure, a ruse --

A ruse, a dissimulation, so womanly.

A brand new narrative

My life, my fate as a political refugee

I present, by chance, not thru PowerPoint

Or other portals coveted, by 'I flee'

To let them bask in their venture joint,

To accept my own fate as mine, a guest, free.