The map of causality: Mind Mapping: A complement post

 

ང་དང་ངའི་ཕུང་པོ་ནས་སྣོད་བཅུད་ཀྱི་སྲིད་པ་དག་གི་ཁ་ཐབས་སྐད་ཅིག་སྐད་ཅིག་གི་འཇིག་པའི་རང་བཞིན་ཅན། རྒྱུ་རྐྱེན་དུ་མས་བྱས་པ། རང་གྲུབ་ཙམ་ནས་འཇིག་པའི་ངོར་སྐྱེས་པ། མཐའ་རྒུད་པའི་ཆོས་ཅན། ཉི་ཚེ་བ། ཕུང་པོ་ནི་མི་གཙང་བ་ཡིན་པར་སོང་། འབྲས་བུའི་རྣམ་པ་དང་འདྲ་བའི་རྒྱུ་ཞིག་དགོས་གཤིས། མཚན་འཛིན་དེ་ལས་གཞན་ཅི། དེས་གང་ཁ་ཐབས་དེ་ལྟ་བུ་ཡིན་པ་དེར་ལོག་པར་ལྟ་བས་རང་གི་ངང་གིས་གྲུབ་པར་འཛིན་པས་འཕུང་ཚུལ་བརྗོད་ཟིན་ལྟར་དང་། དེ་གཞི་མེད་པ་རྟེན་འབྱུང་གི་རིགས་པ་དག་ལས་གོ་ཐུབ། དེ་བློ་བུར་ཡིན་པ་འབྱུང་བཞི་འཐིམ་ཚུལ་ལས་སྣང་མཆེད་ཐོབ་གསུམ་གྱི་མཐར་འཆི་བ་འོད་གསལ་དང་། གཉིད་ཀྱི་འོད་གསལ། འགྱེལ་བའི་སྐབས། ཁུ་བ་འབྱིན་པའི་གནས་སྐབས་སོགས་ལས་གོ་ཐུབ།

སྣང་བས་ཡོད་མཐའ་སེལ་བ་མཚན་འཛིན་དེས་ལོག་པར་ལྟ་བས་བཟང་ངན་སྡུག་དང་མི་སྡུག་སོགས་ཐལ་འཛིན་གྱི་སྒྲོ་འདོགས་ཚུལ་མིན་ཡིད་བྱེད་ཀྱི་རྣམ་རྟོག་འདྲེན། དེ་ལས་ཆགས་སྡང་། དེས་རང་རྒྱུད་མ་ཞི་བར་བྱེད་པའི་ཕྲ་དོག་སོགས་འདྲེན། དེས་སྒོ་གསུམ་དང་འབྲེལ་བའི་རང་གཞན་གཉིས་འཕུང་གི་ལས་ལ་གཡོ་བར་བྱེད་པས་ཕན་གནོད་ཀྱི་བྱ་བྱེད་འཐད་པ་སྟེ། ལོག་རྟོག་དེར་རྟེན་པ་དང་འབྱུང་བ་ཕན་གནོད་སོགས་ཀྱི་བྱ་བྱེད་འཐད་པ་སྒྱུ་མ་ལྟ་བུ་ཡིན་པས་རང་གི་ངང་གིས་སམ་རང་གི་མཚན་ཉིད་ཀྱིས་གྲུབ་པ་རྡུལ་ཙམ་ཡང་མེད་པ་གོ་ཐུབ་བོ།།

The twelve stages of interdependent origination: The map of causality in terms of the cycle of life of a sentient being and thereby the vision and idea of his existential entities

 

རྟེན་འབྲེལ་ཡན་ལག་བཅུ་གཉིས། ཚུར་མཐོང་བ་ཞིག་གི་སྐྱེ་བ་གཅིག་འཕེན་ཚུལ།

        དང་པོ་མ་རིག་པ་ནི་ཚོར་འདུ་རགས་པ་དང་འབྲེལ་བའི་ཡིད་བློ་རྟོག་པ་བློ་བུར་བ་དེས་སྣང་གནས་མི་མཐུན་པ་མཐུན་པར་བཟུང་ནས་ལས་གསོག་ཚུལ་ནི། ང་དང་ངའི་ཕུང་པོ་ནས་ཕྱིའི་སྣོད་བཅུད་ཀྱི་སྣང་སྲིད་གང་སྐད་ཅིག་སྐད་ཅིག་གི་འཇིག་པའི་རང་བཞིན་ཅན། རྒྱུ་རྐྱེན་དུ་མས་བྱས་པ། རང་གྲུབ་ཙམ་ནས་འཇིག་པའི་ངོ་བོར་སྐྱེས་པ། མཐའ་རྒུད་པའི་ཆོས་ཅན། ཉི་ཚེ་བ་ཡིན་པ་དེ་ལོག་པར་རྟོག་པ་སྟེ། རང་གི་ངང་གིས་གྲུབ་ཅིང་ངེས་པ་ཡོད་པར་བཟུང་ནས། རང་རྒྱུད་ཀྱི་ལོག་རྟོག་དེས་སྤྲོ་ཚུལ་ལྟར་གྱི་སྡུག་པ་མཐའ་ཅིག་ཏུ་སྡུག་པ་དང་མི་སྡུག་པ་མཐའ་ཅིག་ཏུ་མི་སྡུག་པ་སོགས་ཐལ་བའི་སྒྲོ་བཏགས་པ་་ཚུལ་མིན་ཡིད་བྱེད་ཀྱི་རྣམ་རྟོག་ལས།   ཆགས་སྡང་། དེས་རང་རྒྱུད་མ་ཞི་བར་བྱས་པ་ལས་ཕྲག་དོག་འགྲན་སེམས་ང་རྒྱལ་ཐེ་ཚོམ་ཞེད་སྣང་རྣམ་རྟོག་དོགས་པ་རེ་བ་བརྣབ་སེམས་གནོད་སེམས་ལོག་ལྟ་སེར་སྣ་ཡུས་སོགས་ཅི་རིགས་འདྲེན། དེའི་དབང་གིས་སྒོ་གསུམ་དང་འབྲེལ་བའི་ལས་གསོག བརྒྱུད་རིམ་ལྔ་པོ་དེ་ང་ཚོས་ཞིབ་པར་བསྐྱར་བལྟའི་ངང་བརྟགས་ན་སྒོ་གསུམ་དང་འབྲེལ་བའི་ལས་གང་ཞིག་བསགས་པ་དེ་བརྒྱུད་ཡོད།

        དེའི་ངང་བསགས་པའི་ལས་ཀྱི་བག་ཆགས་རྣམ་ཤེས་སྟེང་དུ་འགོས་པ་དེ་སྲེད་ལེན་གྱིས་གསོས་འདེབས་ཚུལ་ཡང་དཀྱུས་གཅིག་ལ་མི་དགོས་ཏེ། མཐོང་ཆོས་མྱོང་འགྱུར། སྐྱེ་གནས་མྱོང་འགྱུར། ལན་གྲངས་གཞན་ལ་མྱོང་འགྱུར་བཅས་ཡོད་པས་སོ། །སྲེད་ལེན་ནི་ཉི་ཚེ་བ་འཁོར་བར་འདུས་པའི་སྐྱེ་བར་སྲེད་པ་དང་ལེན་འདོད་དེ། དེས་ལས་ཀྱི་བག་ཆགས་གསོས་འདེབས་ཞེས་པ་དེས་དེ་གསོ་བར་བྱེད་པའམ་འདུ་བྱེད་པ་སྟེ། དེས་ལས་རང་གི་འཕངས་འབྲས་འཕེན་པའི་ནུས་པ་སློང་བར་བྱེད་པའོ། །དེ་ཡང་འཆི་ཁའི་སེམས་ཀྱི་བབ་དང་འབྲེལ་བའི་མ་རིག་པ་དེའི་དབང་གིས་བསགས་པའི་ལས་ཀྱི་བག་ཆགས་རྣམ་ཤེས་སྟེང་དུ་འགོས་པ་དེ། དེའི་རྒྱུ་མཚན་གྱིས་འཆི་ཁའི་སེམས་དེ་ཞི་དང་མ་ཞི་ལས་དེའི་བབ་ཀྱིས་དེ་འབྲེལ་བསགས་པའི་ལས་ཀྱི་བག་ཆགས་རྣམ་ཤེས་སྟེང་དུ་འགོས་པ་དེ་སྲེད་ལེན་གྱིས་གསོས་བཏབ་པ་ལས་སྲིད་པ་འཕེན་པ་དང་། འཆི་ཁའི་སེམས་ཀྱི་བབ་དེ་བར་དོར་བརྒྱུད་པ་ལས་ཡིན། ཡང་ཉི་ཚེ་བ་འཁོར་བར་འདུས་པའི་སྐྱེ་བར་སྲེད་པ་དང་ལེན་འདོད་ཙམ་མ་ཟད། བར་དོའི་འཇིགས་པ་ལས་གྲོལ་ཆེད་དེ་ལྟའི་སྐྱེ་བར་སྲེད་ལེན་ཡོད་དོ།།

    སྲིད་པ་ནི་ཉིང་མཚམས་སྦྱོར་བ་སྟེ། ཕ་མའི་ཁུ་ཁྲག་ཕྲད་པའི་མཚམས་ནས་འཇོག་དགོས།

        ཚོར་འདུ་རགས་པ་དང་འབྲེལ་བའི་ཡིད་བློ་རྟོག་པ་ཡིན་ན་མཚན་འཛིན་ཡིན་པས་མ་ཁྱབ་སྟེ། དགག་བྱ་ལྷན་སྐྱེས་སྣང་ལ་མ་ངེས་པ་ཡོད་དེ། སྣང་ཡང་དེ་ལྟར་འཛིན་པ་ལས་ཚུལ་མིན་ཡིད་བྱེད་ཀྱི་རྣམ་རྟོག་སྟེ་སྡུག་དང་མི་སྡུག་ཅེས་ཐལ་བའི་སྒྲོ་བཏགས་པ་་ལས་ཆགས་སྡང་ལས་ཕྲག་དོག་སོགས་རང་རྒྱུད་མ་ཞི་བར་བྱས་པ་ལས་སྒོ་གསུམ་གྱི་ལས་གང་རུང་ལ་འཇུག་པས་མ་ཁྱབ་པས་སོ།།

       དོན་གྱི་ང་དང་ངའི་ཕུང་པོ། ཕྱིའི་སྣོད་བཅུད་དག་མཐའ་རྒུད་པའི་ཆོས་ཅན་སོགས་ཁ་ཐབས་དེ་ལས་མེད་པས་དེའི་རྣམ་པ་དང་འབྲེལ་བའི་རྒྱུ་ཞིག་འཇོག་དགོས་གཤིས། མཚན་འཛིན་དེ་ལས་གཞན་ཅི་སྟེ། དེས་འཕུང་ཚུལ། དེ་གཞི་མེད་པ་རྟེན་འབྱུང་གི་རིགས་པ་དག་ལས་གོ་ཐུབ། དེའི་དབང་གིས་གྲུབ་པ་ལས་ཕན་གནོད་ཀྱི་བྱ་བྱེད་འཐད་པ་མྱོང་བས་གྲུབ་བོ།།